Alben & Lieder

Das war net

1968, Text/Musik: Georg Kreisler

Wenn ich mir mein Siegelbild betracht’ -
also habe die Ehre – i hob’ ka Karriere g’mocht.
Ja is des a Wunder? Keine Spur!
Meine Karriere wär beinahe geg’n die Natur.

Jo früher wor’n noch die Zeiten anders,
die Pleiten onders, die G’scheiten anders.
Wenn’s heute genauso wie früher wär,
do mochet ich a Karrier!

Jo, ober die Staane san weich worn,
die Ormen san reich worn,
die G’scheiten san g’schert worn,
die Deirischen* g’hört worn,
drum paßt mer des, paßt mer des gor net.
Des wor net, des wor net!

Die Heiser san z’nieder,
die Kellner san z’wieder,
der Zucker is solzig,
die Butter is schmolzig,
die Erdapfln schmeckn nach Stroh!
Des wor net, des wor net aso!

Wia’ri jung wor, wor der Kaiser -
net der Kaiser Franz Josef- der Kaiser,
Peppi Kaiser, zwa drei Heiser
hom seim Vattern g’hört oder auch vier.

Dieser Kaiser – Peppi Kaiser -
no wos is er denn heit mit die Heiser?
A Beomter, a verdommter,
also wos will ma nocha von mir.

Na – die Leit san verdorben,
die Besten san g’storben,
die Schlechten san b’soffen,
die Mittlern hob’n’s troffen,
und g’heirot des hom nur a poor net-
des wor net, des wor net!

Die Stroßn hom Liacht
und die Lastwagen niacht,
und die Elektrischen scheppert,
die Fremden san deppert.
Zu was brauch i da a Karrier?
Des wird net- des wird nimmermehr!

Mir geht’s besser, sehr viel besser!
I versteck mi af d’Nocht mit an Messer,
und geb irgendwem an Stösser,
und dann Taschl hinaus und bleib leb’n!

Und der Wochter mit der Kappen
denkt im Traum nicht daran mich zu schnappen!
Er kriegt sein Teil und holt die Pappn,
und so leben wir zwei recht bequem.

Ja die Leit san vernogelt,
der Staatsvertrag woggelt,
die Kranken san g’sünder,
die Russen san g’schwinder,
die Fuaßballer schiaßen ka Tor net!
Des wor net, des wor net!

Es kann sein i irr mi
und verbarrikadier mi
hinter Ausredn und Bledsinn
und in Wirklichkeit geht’s in
der Welt so wie seinerzeit schon.
Aber i merk nix, i merk nix davon!

-------
*Törichten